.png)
Kikkuuvugut
Tamaanimiuuvugut.
Nuummi tamatta inunngorlutalu perioriartorpugut.
Aasami kangerlutsinni aallaarsimaarneq meeraallutali ilitsoqqussaraarput.
Taamaammat Nuuk eqqaalu ukiorpassuarni angalaffigaarput, ilisimaarilluarlugulu.
Torersumik, toqqissisimasumik isumannaatsumillu angalaqatigisigut.
Angallatigut
Nuannersumik, toqqissisimanartumik puigunaatsumillu misigisaqartikkumallutit angallatigut toqqarsimavagut.
Pilothouse 8 aamma P8´tut ilisimaneqartut angallatigaagut.
“Kimmernaq” aamma Kimmernaq II” tamarmik kiassakkanik initaqarput.
Silaannarissumi issiaarusunneruguit aamma umiatsiap aquatungaani tamanna periarfissaavoq.
Angallatigut perusuersarfeqarput.
CE-meqqilersugaaneq.
Pilot 8 imaani angallannermi immikkoortitaarinerit ilisarnaasersugaaneranni kategori ”B”-mi inissisimavoq.
Tassa imaappoq, umiatsiap sannaata, aammalu angissusaa malillugu imaani angalanermi ilaatigut silarlukkaluami angalasinnaasutut akuerisaavoq.
Paasisaqarnerorusukkuit : Finnmaster P8 – Your dream cabin boat | Finnmaster (tuluttoorpoq)
Angallassitilluta 25-27 knob sukkassuserisarparput.
Isumannaallisaaneq.
OMG Boat Trips-mi pingaartilluinnarparput navialiffiunngitsumik, toqqissisimanartumillu angallannissat.
Taamaammat sila, isumannaallisaanerlu angalatinnata misissoqqaartarpagut.
Angallatigut issittumi angalanissamut pimasaqaatit naapertorlugit ananniusersugaapput.
Soorunami aamma attaveqaatitigut piumasaqaatit naapertorlugit atortulersugaallutik.
Ilaasorinissat qilanaarivarput.
